Lateinische Texte zur Mettener Lokalgeschichte
Glückwunschschreiben von Papst Johannes Paul II. zum
25. Jahrestag der Bischofsweihe von
Kardinal Augustin Mayer
|
Lateinische Texte zur Mettener LokalgeschichteGlückwunschschreiben von Papst Johannes Paul II. zum
25. Jahrestag der Bischofsweihe von
|
|
Quem apud Nos adiutorem fidelem consiliarumque prudentem tot quidem annos habere voluimus, quem inter Ecclesiae purpuratos Patres numerari censuimus, te nominatim ipsum, Venerabilis Frater Noster, hodie per harum Litterarum internuntiam vocem veluti in conspectu salutamus ex animo teque in Domino peculiari amplexamur adfectu, cogitantes nempe multa tua erga Apostolicam Sedem merita.
Verum singularis quaedam Nos permovet ad hanc laetitiam causa, quam proximi adferet mensis Februarii decimus tertius dies, episcopatus nempe tui faustus vicesimus quintus natalis; quam ordinis sacri plenitudinem gaudentes novimus Decessorem Nostrum immortalis memoriae Paulum VI tibi impertivisse, cum Secretarium te destinavisset Congregationis pro Religiosis et Institutis Saecularibus.
Gratularnur proinde tibi, Venerabilis Frater Noster, perhonorificam hanc vitae tuae metam et operae pastoralis memoriam, quae simul exoptamus precantes ut consentaneam omnino tibi adferat consolationem animi ac recreationem ex ipsa nempe conscientia tot bonorum a te operum pro Religiosis peractorum, tum etiam pro cura Sacramentorum et Cultus Divini, ac tandem pro unitate Ecclesiae apud Pontificiam Commissionem "Ecclesiae Dei", ne loquamur maxima de illa consiliorum tuorum utilitate quam ministeriis Vaticanis pro Laicis, pro America Latina, de Spiritali Migrantium atque Itinerantium Cura sapienter alcriterque addidisti.
Haec episcopalis tuae industriae diu posthac manebunt monumenta, de quibus tantopere placet Nobis hodie tibi gratulari et tecum laetari. Omnem igitur Nostram in te benevolentiam, oblata adeo iucunda opportunitate, aperte palamque renovamus necnon maximam illam quam plane meruisti operum tuorum aestimationem.
Iubilarem tibi diem quam lucidissimum precamur, qui te pariter posteros in annos confirmet atque exhilaret. Esto tibi, Venerabilis Frater Noster, his cum Litteris transmissa Apostolica Nostra Benedictio Nostrorum de iubilaeo tuo sensuum testis, conciliatrix maiorum deinceps Dei misericordis donorum, praenuntia remunerationis meritorum tuorum sempiternae.
Ex Aedibus Vaticanis, die XIV mensis Ianuarii, anno MCMXCVII, Pontificatus Nostri undevicesimo.
zurück zu den Texten zur Mettener Lokalgeschichte
 St.-Michaels-Gymnasium
Mettenmetten_gym@degnet.de |